योग्य विचार हेच श्रेष्ठ धन आहे

योग्य विचार हेच श्रेष्ठ धन आहे 



जी व्यक्ती सतत कोणत्याही परिस्थितीत शुभ आणि आशावादी विचार करते त्या व्यक्तीचे मन नेहमीच आनंदाने व उत्साहाने भरलेले असते.
योग्य विचार हेच श्रेष्ठ धन आहे

योग्य विचार हेच श्रेष्ठ धन आहे 

असे कदापि नाही आहे की, त्या व्यक्तीला रोजच्या जीवनामध्ये काहीच अडचणी येत नसतील, पण त्याचा त्या अडचणी किंवा प्रसंगांकडे बघण्याचा दृष्टीकोन हा पूर्णतः वेगळा असतो म्हणून तो आनंदी आणि उत्साही असतो.

अशी उत्साही व्यक्ती नेहमीच इतर व्यक्तींपेक्षा वेगळी असते आणि साहजिकच ती इतरांपेक्षा जास्त काम करते व त्यातूनच त्याला यश प्राप्ती होत असते. जीवनाच्या वाटेत अशा माणसाला दुःख आणि निराशा यांचा सामना क्वचितच करावा लागतो. ह्याचे मुख्य कारण म्हणजे उत्साही व्यक्ती त्यांचे कोणतेही कार्य असो ते नेहमीच आनंदाने व प्रसन्न मनानेच करत राहतात. किंबहुना त्यांना अशाच प्रकारे काम करायची सवयच असते असेही म्हटले तरी चालेल आणि अशामुळेच सतत प्रगती होणे हे सुद्धा ओघाने आलेच.

आता इथे तुम्ही कार्य करत असलेल्या क्षेत्रात जेंव्हा काही अडचणी येत असतील तर त्या अडचणींवर मात करायला पाहिजे. आताच म्हटल्याप्रमाणे आपणही यशस्वी व्यक्तींप्रमाणे आपला दिनक्रम योग्य रित्या म्यॅनेज करू शकतो. सुरवातीला थोडा वेळ लागेल पण त्याची आपल्याला नक्की सवय होईल ह्यात तिळमात्र शंका नाही. अनेकांचा असा गैरसमज असतो की ह्या जगामध्ये उच्च यश मिळवण्यासाठी भरपूर पैसे किंवा मालमत्ता असणे जरुरीचे आहे. बरेच जण ह्याचा वारंवार उल्लेखही करतात, की माझ्याकडे पैसे, माणसे किंवा मालमत्ता नाही. पण जर तुम्हाला असे वाटत असेल तर पहिल्यांदा असे विचार मनातून काढून टाका. जो मनुष्य स्वतःच्या आणि एकूणच समाजाच्या उज्वल भविष्यासाठी संपूर्ण झोकून देऊन काम करतो तो सुखी व यशस्वी झाल्याशिवाय राहात नाही. ह्यासाठी अशी व्यक्ती जाणीवपूर्वक आपले विचार बदलून, योग्य विचारांद्वारे आपले कार्य करत राहते आणि अंतिमतः यश हे त्यांना मिळतेच मिळते. तुम्हाला जर खरोखरच उतुंग यश मिळवायचे असेल तर त्यासाठी आवश्यक असलेले धन तुमच्याकडे आपोआपच चालत येईल. पण इथे एक गोष्ट मात्र नक्की आहे की तुम्ही पैशांच्या बाबतीत काय विचार करता, म्हणूनच आपले विचारच आपले सर्वप्रथम श्रेष्ठ धन आहे, जसे विचार आपण करू तसेच आपण लोकं, वस्तू, किंवा इतर गोष्टी आकर्षित करू.


Regards

Visit our website: www.livewellfitnesssolutions.com 
Fill the following link for the inquiry:  

Post a Comment

0 Comments